SAT’dan qancha ball kerak: universitetlar bo‘yicha mo‘ljal

«SAT’dan qancha ball kerak?» — eng ko‘p beriladigan savollardan biri. To‘g‘ri javob: universitetning qabul qilingan talabalari natijalariga qarash kerak.

25–75 persentil

Universitetlar odatda qabul qilinganlar SAT natijalarining o‘rta 50% oralig‘ini e’lon qiladi. Masalan, 1450–1550 degani — qabul qilinganlarning chorak qismi 1450 dan past, chorak qismi 1550 dan yuqori ball olgan.

• Natijangiz oraliqning yuqori qismida — kuchli tomon
• O‘rtasida — normal, boshqa omillar hal qiladi
• Pastida — boshqa jihatlar juda kuchli bo‘lishi kerak

Mo‘ljal

• 1200–1300 — ko‘p davlat universitetlari va merit grant beradigan kollejlar
• 1350–1450 — kuchli universitetlar
• 1500+ — eng tanlovli universitetlar uchun raqobatbardosh

Superscore

Ko‘p universitetlar bir nechta urinishdagi eng yaxshi bo‘lim natijalarini qo‘shib hisoblaydi (superscore). Bu qayta topshirishni foydali qiladi.

Grant uchun

Merit grant beradigan universitetlarda SAT natijasi grant miqdoriga bevosita ta’sir qilishi mumkin. Xalqaro talabalar uchun moliyaviy yordamda yuqori ball umumiy profilni kuchaytiradi.

Muhim

Kuchli SAT — eshikni ochadi, lekin qaror esse, extracurricular va tavsiyanomalar bilan birga qabul qilinadi. 1550 bilan ham rad javobi olish mumkin, agar profilning qolgan qismi bo‘sh bo‘lsa.