Amerika vizasi (B1/B2): O‘zbekiston fuqarolari uchun intervyuga tayyorgarlik

B1/B2 — AQShga biznes (B1) va turistik yoki mehmon (B2) maqsadida qisqa muddatli safar uchun viza. O‘zbekiston fuqarolari uchun bu vizada rad javoblari ulushi yuqori: AQSh Davlat departamenti ma’lumotlariga ko‘ra, 2024 moliya yilida bu ko‘rsatkich 60% dan oshgan.

Jarayon

1. DS-160 anketasi
2. Konsullik to‘lovi
3. Intervyuga yozilish
4. AQSh elchixonasida intervyu

214(b) — asosiy rad sababi

Konsul qonun bo‘yicha har bir arizachini potensial immigrant deb hisoblaydi. Uni aksiga ishontirish arizachining vazifasi. Rad javobi ko‘pincha «hujjat yetishmadi» emas, «O‘zbekistonga qaytishingizga ishonch hosil qilmadim» degani.

Kuchli case qanday quriladi

• Mustahkam bog‘liqlik: barqaror ish, biznes, oila, mulk
• Aniq safar maqsadi: qayerga, nima uchun, qancha muddat
• Moliyaviy imkoniyat: safarni kim va qanday to‘laydi
• Sayohat tarixi: boshqa davlatlarga qoidalarga rioya qilib borib kelganingiz
• DS-160 va javoblar mosligi: anketadagi har bir ma’lumot intervyudagi javoblar bilan bir xil bo‘lishi kerak

Intervyuda

Intervyu bir-ikki daqiqa davom etadi. Javoblar qisqa, aniq va samimiy bo‘lsin. Konsul hujjatlarni har doim ham so‘ramaydi — u sizning javoblaringizga qarab qaror qiladi.

Rad javobidan keyin

Qayta topshirish mumkin, lekin vaziyatingizda hech narsa o‘zgarmagan bo‘lsa, natija ham o‘zgarmasligi ehtimoli katta. Avval rad sababini tahlil qilish kerak.